ჩვენ ვართ ინოვაციური გუნდი, რომელიც არასოდეს წყვეტს კრეატიულობის ძიებას. ჩვენი მისიაა, შევქმნათ ადამიანზე ორიენტირებული ტექნოლოგიები, რომლებიც არა მხოლოდ კომფორტულს გახდის ცხოვრებას, არამედ მომხმარებლებს მენტალურ სიმშვიდეს მიანიჭებს და დადებით გავლენას მოახდენს მათ ცხოვრებაზე.
ჩვენი თავგადასავალი 2016 წელს დაიწყო ერთი მიზნით — შეგვექმნა მოსახერხებელი და დახვეწილი ბეჭედი, რომელიც გააერთიანებდა ჩვენს ყველა ბარათსა და გასაღებს. ჩვენმა მიზანმა მიგვიყვანა იქამდე, რომ გავხდით პირველი კომპანია, რომელმაც შექმნა ჭკვიანი ბეჭედი ავტომობილის (Tesla) გასაღების ფუნქციით.
იდეის ჩამოყალიბების პროცესში მივხვდით, რომ ძალიან მოუხერხებელი იყო ბევრი ბარათის ტარება. ხოლო, სმარტფონი სრულიად საიმედო არ იყო, რადგან დატენვას საჭიროებს და მაინცდამაინც არ არის მოსახერხებელი.
ვიცოდით, რომ უნდა არსებულიყო უკეთესი გზა. სწორედ მაშინ გაგვიჩნდა იდეა, შეგვექმნა ჭკვიანი ბეჭედი, რომელიც მარტივი, მოსახერხებელი და საიმედო იქნებოდა. ინოვაციებისა და გამარტივებისკენ სწრაფვამ საფუძველი ჩაუყარა CNICK-ს — კომპანიას, რომელიც მიზნად ისახავს ისეთი ტექნოლოგიების შექმნას, რომლებიც ყოველდღიური ცხოვრების ტემპს უკეთესს ხდის.
ჩვენი კულტურა ეფუძნება კრეატიულობის, ინოვაციისა და ადამიანის კეთილდღეობის ღირებულებებს. ჩვენი პროდუქტები, ადამიანის კეთილდღეობაზეა ორიენტირებული და შეუძლიათ ცხოვრების გაუმჯობესება. შემოგვიერთდით ამ საინტერსო მოგზაურობაში და გამოსცადეთ ის ტექნოლოგიები, რომლებსაც ვქმნით.
ჩვენ ვართ ახალგაზრდა, ენთუზიასტი ადამიანებისგან შემდგარი გუნდი, რომლებსაც საერთო ხედვა და რწმენა აერთიანებთ. ჩვენ არ გვეშინია გამოწვევების, პირიქით — სიხარულით ვხვდებით მათ, ვიძენთ ცოდნას და ბევრს ვმუშაობთ იმისთვის, რომ განვახორციელოთ ახალი იდეები, რომლებიც ადამიანების ცხოვრებას გაამარტივებს. ჩვენი გუნდის წარმატების საფუძველი ჩვენი ურყევი თანმიმდევრულობაა — ჩვენ არასოდეს ვნებდებით. სწორედ ეს შეუპოვრობა გვიბიძგებს, რომ განვაგრძოთ შესაძლებლობების საზღვრების გაფართოება